MADE IN GEORGIA

რეკლამა შეიძლება შევაფასოთ,როგორც საზოგადოებასთან კომუნიკაციის ყველაზე მომგებიანი საშუალება. მარკეტოლოგებისთვის ნამდვილი გამოწვევაა მცირე დროში მაქსიმალური შესაძლებლობების ჩვენება და ამით ზეგავლენის მოხდენა საზოგადოებაზე. თუმცა უმრავლეს შემთხვევაში ისინი ამას წარმატებით ართმევენ თავს. ჩემი ბლოგიც ერთერთ ასეთ  წარმატებულ რეკლამას ეხება, რომელიც ქართველი მარკეტოლოგების მიერ არის შექმნილი. 

ოცდამეერთე საუკუნეში გაიზარდა კონკურენცია, უფრო და უფრო ძნელი ხდება ახალი კრეატიული პროდუქტის შექმნა , ეს დაკავშირებულია საზოგადოებრივი მოთხოვნის მაღალ სტანდარტებთან.        

უფრო მეტი ძალისხმევაა საჭირო იმისთვის, რომ რეკლამამ თავისი მოვალეობა შეასრულოს ანუ იმოქმედოს ადამიანის ფსიქიკაზე და გაზარდოს მსყიდველუნარიანობა. ყოველივე ამის გათვალისწინებით ჩემთვის ორმაგად საამაყოა ამ რეკლამის არსებობა ქართულ კომერციულ ბაზარზე. 


ტურისტული სეზონი 

აჭარის ტურიზმისა და კურორტების დეპარტამენტმა მის მიერ წარმოებული სტატისტიკა გამოაქვეყნა, რომლის მიხედვით აჭარაში ტურისტების რაოდენობა წინა წელთან შედარებით 18 %-თაა გაზრდილი. მაისის განმავლობაში რეგიონს  44,567 ტურისტი, მათ შორის 28 884 უცხოელი და 15 683 შიდატურისტი სტუმრობდა. ქვეყნების მხრივ ვიზიტორების განსაკუთრებული ზრდა კი ისრაელიდან, ყაზახეთიდან, რუსეთიდან, ბელარუსიიდან და ლიტვადან შეინიშნება. აჭარის ტურიზმისა და კურორტების დეპარტამენტის თავმჯდომარის მოვალეობის შემსრულებელის მამუკა ბერძენიშვილის განცხადებით მათი სტატესტიკის ძირითად წყაროს  რეგიონში არსებული რეგისტრირებული განთავსების ობიექტები წარმოადგენენ , თუმცა არსებობს ისეთი არარეგისტრირებულ საოჯახო სასტუმროებიც, რომლებშიც მრავლადაა უცხოელი დამსვენებელი. ეს ფაქტი კი უფრო ზრდის რეგიონში ჩამოსული ტურისტთა რაოდენობრივ სტატესტიკას.

რამდენიმე დღის წინ აჭარის ავტონომიური რესპუბლიკის ტურიზმისა და კურორტების დეპარტამენტის ოფიციალურ გვერდმა გამოაქვეყნა ინფორმაცია ივლისში ბათუმის საერთაშორისო აეროპორტში   დაგეგმილი ფრენების რაოდენობის შესახებ. მათი ინფორმაციით უპრეცედენტო რაოდენობის ფრენებია დაგეგმილი ბათუმის მიმართულებით, რაც თავისთავად დადებითად აისახება ტურისტულ სეზონზე რეგიონში. ფრენები ძირითადათ დაგეგმილია თურქეთიდან, არაბეთის გაერთიანებული საამიროებიდან, პოლონეთიდან, ისრაელიდან, ყაზახეთიდან, ბელორუსიიდან, უკრაინიდან, ირანიდან და რუსეთის ფედერაციიდან. აღნიშნული ქვეყნებიდან ფრენებს გასულ წელს მოქმედ ავიაკომპანიებთან ერთად 7 ახალი ავიაკომპანია ახორციელებს. მათ შორის Scat Airlines, Skybus, El Al Israel Airlines, Israir Airlines, Air Arabia, Bravo Airlines, Taban Air, თელავივიდან,  შარჟადან, თებრიზიდან, თეირანიდან, მაშადიდან, კუვეიტიდან,  ყაზახეთის 6 ქალაქიდან და  კიევიდან.

ბათუმში ნამდვილად იგრძნობა ტურისტების სიმრავლე. წინა წელთან შედარებით გაზრდილია  მათი რაოდენობა , სამწუხაროდ მათი რაოდენობის პირდაპირპროპორციულად იზრდება რეგიონში ფასები,რაც უარყოფითად აისახება ადგილობრივი მოსახლეობის ბიუჯეტზე.

 

 

ქველმოქმედება გადამდებია

30 ივნისს ბათუმის სახელმწიფო მუსიკალურ ცენტრში ”ქალთა კლუბისა” და სტუდია ”ბალანჩინოს” ორგანიზებით საქველმოქმედო კონცერტი გაიმართა. მასში არაერთი ცნობილი შემსრულებელი იღებდა მონაწილეობას .  მათი გაერთიანების მთავარი მიზანი უსაყვარლესი მათესა და ლუკას დახმარება იყო.  კონცერტს ესწრებოდა ასევე უნიჭიერესი საქართველოსთვის უკვე კარგად  ნაცნობი მსახიობი სტანისლავ ბონდარენკო, რომელიც საქველმოქმედო ღონისძიებებში აქტიურად არის ჩართული.  მისი მონაწილეობით არაერთი ასეთი ტიპის კონცერტი ჩატარდა საქართველოში და ჩემი აზრით ეს მისასალმებელი ფაქტია, რაც უფრო მეტია საქველმოქმედო აქტივობები მით უფრო მეტი ადამიანი არის ჩართული ამ პროცესში და შესაბამისად  იზრდება მატერიალური და მორალური მხარდაჭერა.

Continue reading “ქველმოქმედება გადამდებია”