ძალიან ამაყი ვარ კინოფესტივალის არსებობით, წელს ამ ემოციას უფრო მძაფრად ვგრძნობ, ამაყი ვარ, როდესაც მაქვს შესაძლებლობა ფესტივალზე ისეთი რეჟისორებს შევხდე როგორებიც არიან მოჰსენ მახმალბაფი, სეიფოლაჰ სამადიანი, გიორგი ოვაშვილი, ელდარ შენგელაია.. როდესაც შესაძლებლობა მეძლევა დავესწრო მაღალი ღირებულების ხარისხიან ფილმების პრემიერებს, როდესაც შემიძლია მეგობრულ და ძალიან საინტერესო შეხვედრაზე მოვხდე გია ყანჩელთან ერთად.. და ყველაზე მაგარი იმის გაანალიზება, რომ ეს მხოლოდ დასაწყისია და წინ კიდევ რამდენიმე სასიამოვნო დღე მელოდება. ამ ყველაფრისთვის კიდევ ერთხელ მადლობა ორგანიზატორებს.. ასევე გირჩევთ ყველას შემოგვიერთდეთ, ფესტივალი გელოდებათ ყველგან აპოლოში, სასტუმრო „WYNDHAM“-ში, (ბათუმი – მემედ აბაშიძის ქ. #33t) ერას მოედანზე..
მეორე წელია ვესწრები ფესტივალს და წელსაც ტრადიციულად სანახავი ფილმების “სია” შევადგინე, ვაღიარებ ნამდვილად გრძელი სიაა, ყველა კატეგორიში ძლიერი და საინტერესო ფილმებია წარმოდგენილი.. რამდენიმე ფილმი დიდ ეკრანზე უკვე ვნახე, სასიამოვნოდ გამართლდა ჩემი მოლოდინი ..ამიტომ ვფიქრობ ჩემი ამორჩეული სამომავლოდ სანახავი ფილმებიც ძალიან მომეწონება.
რჩეული ფილმების სია. ( ნუმერაცია არ არის საჭირო)
- აჩრდილების ქალაქი, მეთიუ ჰეინმან.
- სიგიჟის სიხარული, ჰანა მახმალბაფი, ავღანეთი/ირანი, 2003;
- სავარძელი, ელდარ შენგელაია, საქართველო.
- მეტი, ონურ საილაკ, თურქეთი.
- დედე, მარიამ ხაჭვანი, საქართველო/კატარი.
- ქსელი, კიმ კი დუკ, სამხრეთ კორეა, 2016;
- ჩიტები მღერიან კიგალიში, იოანა კრაუზე, ქშიშტფ კრაუზე, პოლონეთი.
- ანარეკლი, ანჯეი ვაიდა, პოლონეთი, 2017;
- აფრენა, ეჰსან აბდიპოური, ირანი, 2017.
- წვეულება, სალი პოტტერ, დიდი ბრიტანეთი.
- უმანკოების მომენტი, მოჰსენ მახმალბაფი, ირანი/საფრანგეთი.
MarieTTa's Blog 