Kim Ki Duk_김기덕

director-kim-ki-duk

-სიყვარული არ არის მარტივი და მისი ბევრ ადამიანს ეშინია, რადგან ის ჭრილობებს ტოვებს. მაგრამ სიყვარულზე საშიში ადამიანია. მე ახლა მისი უფრო მეშინია.

ბათუმის საავტორო კინოფესტივალის დახმარებით წელს კიდევ ერთხელ ვისიამოვნე კიმ კი დუკის შესანიშნავი, დამაფიქრებელი და საინტერესოო ფილმის დიდ ეკრანზე ნახვით. დაახლოებით 3 წელია , რაც კიმ კი დუკის შემოქმედებას ვიცნობ , ყოველი მისი ფილმის ნახვის შემდეგ კი ახალ დეტალებს ვამჩნევ.  გადაღების ტექნიკა , ფილმის თემატიკა , პერსონაჟების ქცევა, დეტალებით აწყობილი რეალისტური სურათი , რომელშიც ადვილია ამოიკითხო პრობლების თუ თემის სიმძიმე სულ უფრო იხვეწება, ყველაფერი კი ერთი მიზნისკენ მიდის, კიმის აუხდენელი ოცნებისკენ შექმნას ფილმი, რომელიც ჯერ არავის გაუკეთებია – რომელიც არ გაკეთებულა და რომელსაც სხვა ვერავინ გადაიღებს.

4779ce3247fe01125f3e6adf5e6c3fd8

Continue reading “Kim Ki Duk_김기덕”

Advertisements

 ბრძოლა ტრადიციებსა და პროგრესს შორის

dede-poster-sd-temporaire

 

ჩემთვის ყველაზე საინტერესო და საამაყოა ,  ფესტივალზე ქართული ფილმების ნახვა . მარიამ ხაჭვანის ფილმა „დედემ“  რომელიც კარლოვი ვარის კინოფესტივალზე სექციაში East of the West ჟიურის პრიზის მფლობელი გახდა ჩემზე დიდი შთაბეჭდილებები მოახდინა.

mariam-khatchvani-and-producer-vladimer-katcharava-east-of-the-west-special-jury-prize-dede

 „დედეს” გადაღებები სვანეთში, ყაზბეგსა და კასპში მიმდინარეობდა. ფილმის უმეტესი ნაწილი სვანურ ენაზეა. მთავარ როლებს კი ნათია ვიბლიანი, გიორგი ბაბლუანი და ნუკრი ხაჭვანი ასრულებენ. (სვანია ფილმის ყველა მსახიობი).

ფილმის მოქმედება სამი სეზონის მანძილზე მიმდინარეობდა და ის ეროვნული კინოცენტის, Doha Film Institute-სა და სანდენსის კინოფესტივალის მხარდაჭერით განხორციელდა.

ფილმს პირველი წარმატება, საპოლოტე ვერსიამ “დინოლა”მოუტანა, რომელიც 18 საერთაშორისო კინოფესტივალზე მთავარი პრიზების მფლობელი გახდა. სრულმეტრაჟიანი ფილმის პრემიერა კი კარლოვი ვარის კინოფესტივალზე შედგა.

ძალიან სასიხარულო ფაქტია , ის რომ “დედეს” პრემიერა საქართველოში ბათუმის კინოფესტივალზე შედგა,  ფესტივალის მაყურებელმა დადებითად შეაფასა ფილმი , რაც ვფიქრობ კიდევ ერთი დიდი წარმატებაა.

-“ფილმით შევეცადე გამომეხატა ჩემი დამოკიდებულება თავისუფლებისადმი, ფილმი არის სიყვარულზე, თავისუფლებაზე, ტრადიციებზე და სვანეთზე, სვანეთის ლამაზ ბუნებასა და სვანეთში ცხოვრებაზე”- განაცხადა მარიამ ხაჭვანმა. 🙂 

dede_still_2

    დებიუტანტი რეჟისორის, მარიამ ხაჭვანის “დედე” კიდევ ერთხელ გვიხატავს იმ რეალობას, რომელიც ასე ღრმად გვაქვს გამჯდარი სისხლსა და გენებში.  ტრადიციების შესახებ გვიყვება, რომელსაც დროც კი ვერ ერევა, დღეს როდესაც თანამედროვე სამყაროში თავისუფლებას მოწყურებული ხალხი ყოველწამიერად თავისუფლდება ” ბორკილებისგან” და ხდება საკუთარი გადაწყვეტილებების, აზრების და გრძნობების პატრონი, ჩვენ მაინც შეგვიძლია  ძებნის გარეშე ჩვენს ირგვლივ, პატარა საქართველოს სხვადასხვა კუთხეში  ტრადიციებს შეწირული ადამიანების ტრაგედიის მომსწრე გავხდეთ.   

maxresdefault1.jpg

 

ფილმის დასაწყისში რეჟისორი ერთგვარ “ბრძოლის ველის” ილუზიას ჰქნის, თავდაპირველად ეს დეტალი მაყურებელს აბნევს, თუმცა შედგომში ჩვენ  მართლაც ვხედავთ ომს. განსხვავება ისაა, რომ ეს არ არის ომი  ერებს ან პოლიტიკურ იდეოლოგიებს შორის, არამედ ქალებსა და მამაკაცებს შორის, ხოლო მისი ფრონტი არის ბრძოლა ტრადიციებსა და პროგრესს შორის.
ძველი სატვირთო ავტომობილებით ბედნიერი ბიჭები ომიდან ბრუნდებიან . სვანეთის შორეულ რეგიონის უშგულის პატარა თემის მკვიდრ დავითს (ნუკრი ხაჭვანი)  მისი გადამრჩენელი გეგი (გიორგი ბაბლუანი) ჩამოჰყავს, რათა ერთად გაიზიარონ ომის დასრულების ბედნიერება, თუმცა სამწუხაროდ ჯერ არ იციან რომ ეს ახალი ომის დასაწყისია, სადაც მხოლოდ დამარცხებული მხარე არსებობს.

dede-web-3

 ფილის პირველი ნაწილი ცოტა ბანალური ისტორია მოსალოდნელი ფინალით თუმცა წინასწარ დაგამშვიდებთ, რომ ფილმი შორსაა ბანალურ ისტორიისგან , რაც შეუძლებელს ხდის განვსაზღროთ ისტორიის დასასრული..  დავითის პატარძალი  და გეგის “გულში ჩარჩენილი ლამაზი სვანი გოგონა ერთი და იგივე აღმოჩნდება, ეს თითქოს ბანალური ისტორია საინტერესოდ ვითარდება და მოულოდნელ ტრაგიკულ ისტორიას ასახავს ბედნიერი ფინალით .   

karlovy20vary20201720films20-201

დინა (ნათია ვიბლიანი) ტრადიციული სვანური ოჯახის ” ქალი” წარმომადგენელია, რაც ავტომატურად ნიშნავს იმას, რომ გადაწყვეტილება მისი მომავალი ცხოვრების შესახებ მას არ ეკუთვნის.. სოფლის ყველაზე კარგ პატიოსან ბიჭზე დაქორწინების დაგეგვმა მისი ნების წინააღმდეგ მოხდა. თუმცა დინას ჰყოფნის შინაგანი ძალა და ამ უსამართლობას ეწინააღმდეგება.  შიშის მიუხედავად სიყვარულს ირჩევს თუმცა იქ სადაც მხოლოდ ჰაერია           “სუფთა” და ” თავისუფალი ” რთულია პრობლემებს გაუძლო.. ეს შეიძლება რამდენიმე წლის განმავლობაში შეძლო მაგრამ სადღაც, როდესღაც მაინც დაგეწევა წესების და დამახინჯებული ტრადიციების “მძიმე ” ძალა და აი მაშინ კი რთულია ბედნიერების შენარჩუნება .

 

Georgia in “Sherlock”

” ბაღდადის ცნობილ ბაზარში ერთი ვაჭარი იყო, ერთხელ მან უცნობი დაინახა რომელიც მას გაოცებული უყურებდა და მან იცოდა რომ ეს უცნობი სიკვდილი იყო, ფერმკრთალი და ჟრუანტელის მომცველი. ვაჭარი ბაზრიდან გაიქცა ბევრი მილი გაიარა და სამარას მიაღწია, დარწმუნებული იყო რომ იქ სიკვდილი ვერ მიაგნებდა, მაგრამ როცა სამარაში შევიდა დაინახა რომ სიკვდილის შემზარავი ფიგურა მას ელოდა. ძალიან კარგი თქვა ვაჭარმა გნებდები, შენი ვარ, მაგრამ ამ დილით ბაღდადში რომ დამინახე ასეთი გაოცებული რატომ ჩანდი ? იმიტომ რომ დაიწყო სიკვდილმა, ამ ღამეს შენთან შეხვედრა სამარაში მქონდა დანიშნული 

” ” როდის ჩაიკეტება ბილიკი რომელზეც ჩვენ დავდივართ, როდის გახდება ჩვენი გზა მდინარე სადაც მხოლოდ ერთი მიმართულება არსებობს. სიკვდილი ყველას გველოდება სამარაში, მაგრამ შეიძლება სამარას თავიდან აცილება?””

ჩემთვის პირველი იანვრის დადგომა ორმაგად სასიხარულო მოვლენა იყო, ერთის მხრივ ახალი 2017 წელი დადგა და მეორეს მხრივ  შედგა ჩემი საყვარელი ბრიტანული დეტექტიური სერიალის “შერლოკის” მეოთხე სეზონის პრემიერა…

…ახალი წელი და “შერლოკი”… 

2017 წლის  საუკეთესო დასაწყისი გამოვიდა ნამდვილად ჩემთვის როგორც გულშემატკივრისთვის საქართველოდან …

როდესაც პირველად გავიგონე ფრაზა “…ეს ბიუსტები თბილისშია დამზადებული…”-თავიდან მეგონა, რომ მომეჩვენა თუმცა შემდეგ დავრწმუნდი, რომ არ ვცდებოდი …ახალ სერიაში მოვლენების მთავარი ხაზი სწორედ საქართველოსთან იყო დაკავშირებული.  შერლოკი 6 წლის წინ თბილისში მომხდარ ამბების შესახებ იწყებს გამოძიებას …

შერლოკი ინტერესდება, თუ რატომ ანადგურებენ, ყოფილი პრემიერ-მინისტრის, მარგარეტ ტეტჩერის თაბაშირის ბიუსტებს, ძიებას კი დოქტორ უოტსონის ცოლის, მერი უოტსონის წარსულთან მივყავართ.

  ჩვენ ვხედავთ  საქართველოში  ბრიტანეთის საელჩოში განვითარებულ მოვლენებს  სადაც უკანა ფონზე საქართველოს დროშის ამოცნობაც არ გაგიჭირდებათ. 

პირველადი შთაბეჭდილების შემდეგ ( როდესაც გიხარია რომ “შერლოკში” საქართველო, თბილისია ნაჩვენები, ჩნდება რეალური საშუალება ჩვენს შესახებ უფრო მეტი ადამიანმა გაიგოს ) როდესაც ეიფორია მცირდება, იწყებ ფიქრს, რა კონტექსტშია წარმოჩენილი შენი ქვეყანა და რა შთაბეჭდილება შეექმნება საქართველზე ადამიანებს რომლებიც ნაკლებად იცნობენ ქვეყანას … 

 სერიაში არის ბევრი ნეგატიური დეტალი , მაგალითისთვის შემიძლია მოვიყვანო ეპიზოდები , სადაც თბილისი  წარმოდგენილია , როგორც ქალაქი , სადაც ტერორისტები სასტიკად ექცევიან უცხოელ აგენტებს კონკრეტული მიზნის გარეშე, სიამონების მისაღებად…. ან ეპიზოდები სადაც თბილისში მყოფი “ტერორისტები”  რუსულად ლაპარაკობენ ….თითეული ეპიზოდი აჩენს კითხვებს : თუ ტერორისტები ქართველები არიან რატომ ლაპარაკობენ რუსულ ენაზე? …და თუ არ არიან ქართველები რატომ არ არის რაიმე მინიშნება ამის შესახებ, რომ ფართო აუდიტორიას ნეგატიური შთაბეჭდილება არ შეექმნას ჩვენზე?

საბოლო ჯამში ყველა ვთანხმდებით რომ “შერლოკის ” ახალ სერიაში საქართველოსთან დაკავშირებულ ეპიზოდებში ბევრი ნეგატიური დეტალები იყო ნაჩვენები, იმედია სეზონის მომდევნო სერიებში კავშირი კიდევ შენარჩუნდება და ყველა კითხვას გაეცემა პასუხი

◀▶კინო გელის შენ..

cropped-biaff-2016-coverთუ ზაფხულში ბათუმში ისვენებდით ან ახლაც ბათუმში ხართ, გაითვალისწინეთ, რომ შემოდგომაზე აუცილებლად უნდა იყოთ ზღვისპირა ქალაქის სტუმარი. მიზეზი მარტივია , ქალაქი სექტემბერში ბათუმის საავტორო კინოს მე-11 საერთაშორისო კინოფესტივალს მასპინძლობს, სადაც ნაჩვენები იქნება არაერთი შესანიშნავი კინო ნამუშევარი, შედგება კინო პრემიერები და ფესტივალის საკონკურსო პროგრამაში ნაჩვენებ საუკეთესო მხატვრულ, დოკუმენტურ და მოკლემეტრაჟიანი ფილმებს შორის გამოვლინდებიან გამარჯვებულები.
22 ივნისს კულტურის სამინისტროში, ბათუმის საავტორო ფილმების მე-11 საერთაშორისო კინოფესტივალისადმი მიძღვნილი პრესკონფერენცია გაიმართა, სადაც ცნობილი გახდა, რომ BIAFF კინოფესტივალის ფარგლებში წარმოდგენილი იქნება 40 სრულმეტრაჟიანი და 40 მოკლემეტრაჟიანი ფილმი 30-ზე მეტი ქვეყნიდან. რაც შეეხება ფესტივალის პროგრამას, მასში გაერთიანებული იქნება, როგორც საკონკურსო, ისე არასაკონკურსო სექციები, მათ შორის:

  • საერთაშორისო მხატვრული ფილმების კონკურსი;
  • დოკუმენტური ფილმების საერთშორისო კონკურსი;
  • მოკლემეტრაჟიანი ფილმების საერთაშორისო კონკურსი;
  • „ქართული პანორამა”;
  • დიდოსტატთა კოლექცია;
  • „შექსპირი კინოში” – უილიამ შექსპირის გარდაცვალების 400 წლისთავისადმი მიძღვნილი სექცია;
  • ევროპის კინოაკადემიის (EFA) საუკეთესო ევროპული მოკლემეტრაჟიანი ფილმების კოლექცია;
  • რეტროსპექტივები

c8e764a5b137b27779a59391f6dd5b5b_big

შემოდგომაზე კინო მოყვარულების საყვარელი თავშეყრის ადგილი ბათუმის საავტორო კინოს ფესტივალია. ფესტივალი საშუალებას აძლევს ცნობილ კინორეჟისორებს, პროდიუსერებსა და კინოკრიტიკოსებს შეხვდნენ და გაუზიარონ თავიანთი გამოცდილება და ნამუშევრები კინოს სფეროში მოღვაწე კოლეგებს, დამწყებ კინორეჟისორებს ასევე კინოთი დაინტერესებულ ადამიანებს.  რამდენიმე დღის განმავლობაში შეგიძლია ისიამოვნო საინტერესო ფილმების ყურებით, ასევე დაესწრო  ფესტივალის ფარგლებში დაგეგმილ მასტერკლასებს.

ფილმი  არ მთავრდება ტიტრების გამოჩენის შემდეგ , ის გრძელდება თავისი თემატიკით და ფასეულობებით ადამიანის აზროვნებაში , ზოგჯერ ფილმს შეუძლია ღრმა კვალის დატოვება ადამიანის სულიერ სამყაროში, ჩემი აზრით ფილმის ნახვასთან ერთად ასევე მნიშვნელოვანია ფილმის შექმნის პროცესის , შექმნის მიზნების , თემატიკის შესწავლა და იმ ადამიანებთან უშუალო კონტაქტი , რომელიც ნამუშევრის შექმნაში იღებდა მონაწილეობას . ბათუმის საავტორო კინოს ფესტივალი კი საშუალებას გვაძლევს ამ კუთხით განვიხილოთ ფილმი. სხვადასხვა სექციებში წარმოდგენილ ფილმებზე დასწრებით კი შეგვიძლია ვუყუროთ და სუბიექტურად შევაფასოთ კინოს სხვადასხვა ჟანრი, შესაძლებელია ჩვენთვის არასაყვარელ ჟანრში აღმოვაჩინოთ ფილმი , რომელიც ამ ჟანრის მიმართ დამოკიდებულებას მთლიანად შეგვიცვლის..

როგორ გამოვიყურებოდეთ ფოტოში კარგად?

ზოგჯერ ფოტოს გადაღების  შემდეგ მოლოდინი არ მართლდება და ვხვდებით, რომ სურათში ცუდად გამოვიყურებით, არასწორად შერჩეული პოზა ყველა იმ ნაკლს გამოკვეთს, რაც ნამდვილად არ არის სასურველი ფოტოზე ჩანდეს. ამიტომაც სანამ ფოტოგრაფი ფოტააპარატს ან ტელეფონის კამერას თქვენსკენ მომართავს და ღილაკს დააჭერს, აუცილებელია მოვემზადოთ, შევარჩიოთ ისეთი პოზა, რომელიც  უფრო კარგად და ლამაზად გამოგვაჩენს და სურათსაც სიამაყით შევხედავთ.

წარმოგიდგენთ ყველაზე გავრცელებულ და საჭირო პოზებს, რომელთა გამოყენებაც კამერის წინ აუცილებლად მოგინდებათ.

1. უბრალოდ მარტივი კუთხე , რომელიც უფრო გამხდარს გამოგაჩენთ სურათში.

344055-R3L8T8D-800-collage1

Continue reading “როგორ გამოვიყურებოდეთ ფოტოში კარგად?”

მოინახულე ბათუმი

img_20160724_164242-02.jpeg

 

ბათუმში სეზონი ოფიციალურად გაიხსნა, რაც იმას ნიშნავს რომ საკურორტო ქალაქისკენ ბევრმა დამსვენებელმა აიღო გეზი. ნებისმიერი მოგზაურობის დაწყების წინ საჭიროა მომზადება, ყველაფრის ორგანიზება რათა მინიმალურ დროში მაქსიმალურად მიიღო სიამოვნება მოგზაურობისგან.

სწორედ ამ მიზნით გადავწყვიტე დამეწერა ბლოგი ბათუმში მიმდინარე ღონისძიებების და აუცილებლად სანახავი ადგილების შესახებ.  ”რას გთავაზობს და სად შეიძლება საუკეთესო დროის გატარება ქალაქში”- ამ კითხვებზე პასუხს ჩემი ბლოგის დახმარებით შევეცდები ამომწურავად გავცე პასუხი.

Continue reading “მოინახულე ბათუმი”