სალი პოტერის 71 წუთიანი  “წვეულება”

149086704158dcd3614c3f0 (1)

ჩემი პირველი დღე ბიაფზე , პირველი საუკეთესოდ   არჩეული ფილმი  საკონკურსო მხატრული ფილმების კატეგორიდან, მონატრებული კინოთეატრის დიდი ეკრანი და სალი პოტერი  პოლიტიკური კომედიით  “წვეულება “.. მაშ ასე, მეგობრებო ბიაფი დაიწყო….

რუსი კინომატოგრაფის  ალექსეი როდიონოვის მიერ შავ-თეთრ ფერებში გადაღებული ფილმი “წვეულება”    აღწერს   “გატეხილი ინგლისის” პორტრეტს, მასში ადვილად ამოვიცნობთ  პოლიტიკურ ქვეტექსტებს. სალი პოტერმა,  რომელიც ფილმის სცენარისტი და რეჟისორია ბერლინის კინო ფესტივალზე  ღიად განაცხადა ამის შესახებ , მან ფილმს ერთგვარი პოლიტიკური განცადება უწოდა იმის შესახებ   თუ როგორ კარგავენ  ადამიანები “გრძნობებს , პოლიტიკური ცხოვრების დახმარებით”

“მე დავიწყე ფილმის წერა  დიდ ბრიტანეთში ჩატარებულ არჩევნებამდე, იმ მომენტში, როდესაც ჩანდა, რომ დიდი ბრიტანეთის მემარცხენე ძალა  კარგავდა  გავლენას ყოფილიყო შესაფერისად  მამაცი პოლიტიკაში და  გულწრფელად გაბედული  ცენტრისტების მიმათ , მე ვხედავდი თუ როგორ ემსგასებოდა ორივე  პოლიტიკური მხარე ერთმანეთს “- განაცხადა სალი პოტერმა , როდესაც ის იმყოფებოდა ფილმის მსოფლიო პრემიერაზე ბერლინის კინოფესტივალზე.

1227862_sally-potter

ბანალური ან მოძველებულ იუმორთან შეუძლებელია დააკავშირო ფილმი, აქ ყველა პერსონაჟის ხასიათი , მათი წარმოთქული ფრაზა ახალ განსხავებულ კომედიურ ატმოსფეროს ქმნის . ეს არის შავ თეთრი კომედია , რომელიც ყველაფერია კომედიის გარდა , თუმცა საბოლო აკორდი, ფინალური კადრია ის  დასაწყისში იწყება მეტი ინტრიგისთვის და  დასასრულს აუცილებლად მოახდენს თქვენზე გავლენას, გაგეცინებათ, დაეჭვდებით , ბევრ კითხვას დასვავთ ნუთუ მართლა ყველაფერი სწორად გავიგე ? ასეთი იყო დასასრული ? ….კითხვები ბევრი იქნება , მათზე რამდენიმე საათი მაინც ილაპარაკებთ …..

ფილმში ყველა პერსონაჟს ერთი სახასიათო დეტალი აქვთ . მათი ყველა მოქმედება დაკვირვებელი და ჭკვიანურია , თუმცა  დიალოგის დროს ყველა კარგავს კონტროლს.   სასამართლო დარბაზი ან უბრალოდ სპექტაკლის მთავარი სათამაშო სცენა მისაღები ოთახია.. მთელი ფილმი  სასიამოვნოდ აბსურდულია, თუმცა აბსურდული საერთოდ არ არის.

the-party-2017-kristin-scott-thomas

 

ფილმის მთავარი გმირი  ჯენეტია, რომელიც ჩრდილოვანი კაბინეტის მინისტრად ინიშნება. ამ სასიხარულო ამბის აღსანიშნავად სტუმრად მისი უახლოესი მეგობრები მოდიან. დასაწყისშივე ვიგებთ,  რომ ჩვენ ინგლისურ ელიტურ საზოგადოებაში მოვხვდით,  სადაც უფრო მეტია პოლიტიკა და სიყალბე, ვიდერე ნამდვილი ურთიერთობები.

სახლის  სტუმრებს შორის არიან   ტომი,   მიმზიდველი, ტიპიური ინგლისელი შარმის მქონე   კარგად ჩაცმული ბანკირი, რომლის სტუმრობასაც  პირველი ნერვიულობის ტალღა მოჰყვება. ოფლიანობა,  აბაზანაში ხშირი “სირბილი”, საკუთარ თავთან ნერვიული ბრძოლა პირველ დაძაბულობას და ინტრიგას აჩენს მშვიდ და მეგობრულ გარემოში .. მეორე სტუმარია ჯანეტის ძველი მეგობარი ჯენი მის არატრადიციული რელიგიით გატაცებული  გოტფრიდთან ერთად  და ბოლო სტუმარი  ბილის უნივერსიტეტის  ძველი  მეგობარი, მართა  მის   ორსულ პარტნიორ ჯინნისთან ერთად.

the_party_filmstill_20_800

ფილმი პირველივე წუთიდან იპყრობს მაყურებელს.. შავ თეთრი ფერები, პოლიტიკური პარტის  “შიდა სამზარეულო “, ხარისხიანი მუსიკის პირველი აკორდები, ბრიტანული აქცენტით გაჟღენთილი ტიპიური ინგლისური სახლი, სადაც საინტერესო პერსონაჟები ნელ-ნელა იკრიბებიან  ორიგინალურ კონტრასტს ქმნის და მთლიანად გითრევს, იქმნება ილუზია , რომ შენც ერთ-ერთი წვეულების სტუმარი ხარ …:) 🙂

the-party

 

ფილმი აწყობილია პატარ პატარა დეტალებით როგორიცაა სამზადისი სამზარეულოში , ხშირი სიარული აბაზანაში,  ჯენეტის საიდუმლო  ტექსტები. ბილის გაყინული იუმორი, ხმამაღალი მუსიკა , რომელიც ერთგვარი შვება და გამოსავალია დაძაბული სიტუაციიდან,   მართას და ჯინის ბზარი პირად ურთიერთობაში, გოტფრიდის ცხოვრებისეული ფრაზები.

11-©-The-Party-dir-Sally-Potter

 

ჩემთვის ძალიან საამაყოა ის ფაქტი , რომ შესაძლებლობა მქონდა ბათუმის საავტორო კინოფესტივალზე მენახა ეს შესანიშნავი ფილმი, რომელმაც უკვე დაიმსახურა საერთაშორისო მოწონება ბერლინის კინოფესტივალზე.

130217_aj_08770_IMG_FIX_1200x800

სურათი დაბალბიუჯეტიანია, ერთი სახლში შეკრებილი  შვიდი მსახიობი მაქსიმალური სიზუსტით გამოხატავს მთავარ სათქმელს. პოტერის თამამი ფილმი ერთგვარი გამოწვევაა თუ როგორ შეიძლება დაბალი ბიუჯეტით შექმნა მაღალი ხარისხის ღირებული პროექტი. ფილმი ამტკიცებს, რომ მხოლოდ ფული არ განსაზღვრავს მის  მაღალ ხარისხს. შავ თეთრ კადრებში  აღწერილი  ერთი ოთახიც კი საკმარისია, იმისთვის რომ გავლენა მოახდინოს მაყურებელზე. სალის ფილმი კიდევ ერთხელ ამტკიცებს იმას რომ ფილმის ღირებულებას მსახიობთა მაღალი პროფესიონალიზმი და ორიგინალურად დაწერილი სცენარი განსაზღვრავს…

 

 

 

 

 

Advertisements

dsc_0036

 

15 ნოემბერს ბათუმში საქართველოს ფუტსალის ლიგის რიგით მეორე შეხვედრა გაიმართა. რომელშიც ერთმანეთს დაუპირისპირდა დებიუტანტი ბათუმის შოთა რუსთაველის სახელმწიფო უნივერსიტეტის ფუტსალის გუნდი და მინი ფეხბურთის კლუბი ‘’ტატიშვილი’’
‘’ჩვენ დიდი ხანი ვემზადებოდით ამ თამაშისთვის და იმედი გვაქვს დადებით შედეგს მივაღწევთ. ჩვენთვის ძალიან მნიშვნელოვანია ეს ტურნირი, ის პირველად ტარდება ბათუმში და ჩვენ გვსურს რომ გავამართლოთ მოლოდინი და იმედები’’-განაცხადა გუნდ ‘’ბსუ’’-ს მწვრთნელმა ბაჩანა აბაშიძემ.
თამაში დაძაბულ ვითარებაში მიმდინარეობდა , რამდენიმე ფეხბურთელმა მცირე ფიზიკური დაზიანება მიიღო. მასპინძელი გუნდის გულშემატკივარი მთელი თამაშის განმავლობაში აქტიურად ქომაგობდა საკუთარ გუნდს . მიუხედავად ამისა თამაში ანგარიშით 2-ით 6 კლუბი ტატიშვილის სასარგებლოდ დასრულდა.

dsc_0179dsc_0190
‘’ძალიან დაძაბული თამაში გამოვიდა. სიმართლე გითხრათ არ ველოდი ბათუმში ასეთი ძლიერი გუნდის დახვედრას. ამ გუნდის თამაშს თბილისში თვალს ვადევნებდი, თუმცა დღეს მათ განსხავებული თამაში აჩვენეს , მე ვგრძნობდი გულშემატკივრების აქტიურობას. ჩემთვის ეს ფაქტი მისასალმებელია, მინდა ‘’ბსუ’’-ს გუნდს წარმატებები ვუსურვო’’-განაცხადა გუნდ ‘’ტატიშვილის მწვრთნელმა ალექსანდრე ძაბირაძემ.
გუნდ ‘’ბსუ’’-ს მწვრთნელის აზრითაც თამაში დაძაბული იყო. ისინი ელოდნენ, რომ მოწინააღმდეგე ძლიერი იქნებოდა, რადგან გუნდი ნაკრების ფეხბურთელებით იყო დაკომპლექტებული. ასევე ბაჩანა აბაშიძე გუნდის მომავალ გეგმებზეც ისაუბრა. ის კმაყოფილია ფეხბურთელების თამაშით და ეცდება მომავალში დაშვებული შეცდომები გაითვალისწინოს და თამაშის შედეგები გამოასწოროს.

dsc_0259

 

‘’ბსუ’’-ს ერთ-ერთი გულშემატკივარი იმ შეცდომებზე და დარღვევებზე საუბრობს , რომლებიც თამაშის დროს განხორციელდა.
‘’ჩვენ პოზიტიურად ვიყავით განწყობილი და ველოდით ჩვენი გუნდის გამარჯვებას, მაგრამ სამწუხაროდ დავმარცხდით. ჩემი აზრით უკეთესად შეგვეძლო თამაში, თუმცა რამდენიმე მომენტში მსაჯმა შეგვიშალა ხელი, ჯარიმა არ გამოიყენა რამდენიმე შემთხვევის დროს , რამაც გამოიწვია ჩვენი გუნდის ასე რომ ვთვქვათ ‘’გატეხვა’’. ჩვენ მაქსიმალურად ვიყავით ჩვენი გუნდის მხარეს და ვცდილობდით რომ გვეგულშემატკივრა.’’

dsc_0049
ფუტსალის ლიგის 2016/17 წლების სეზონმა სტარტი 10 ნოემბერს აიღო და მასში 10 გუნდი მონაწილეობს. გათამაშება ორ წრედ გაიმართება , რომლის წრიული ეტაპის დასრულების შემდეგ ჩემპიონობისთვის ბრძოლას საუკეთესო ოთხი გუნდი განაგრძობს.
‘’მნიშვნელოვანი დღეა დღეს, იმიტომ რომ პირველად ქართული მინი ფეხბურთის ისტორიაში (საქართველოს ფუტსალის ლიგის ისტორიაში) ბათუმი მასპინძლობს საქართველოს ჩემპიონატს და ვიმედოვნებ ასეთი ტიპის შეხვედრები რეგულარულად ჩატარდება ბათუმში . ვფიქრობ რომ ეს დაეხმარება ზოგადად რეგიონში მინი ფეხბურთის, პროფესიონალი ფუტსალის განვითარებას და გაიცნობს მაყურებელი ადგილობრივ პროფესიონალ ფუტსალს’’,- განაცხადა სპორტული სააგენტოს ‘’ეს-ბი-ემის’’ დირექტორმა ზაალ ჩიტალაძემ.

 

BIAFF დახურვის ცერემონია

This slideshow requires JavaScript.

ბათუმის საავტორო კინოს საერთაშორისო ფესტივალი დასრულდა… ფესტივალის დასკვნითი ღონისძიება ბათუმის ხელოვნებისა და მუსიკის ცენტრში გაიმართა, საერთაშორისო ჟიურიმ პრიზები სამ საკონკურსო სექციაში გასცა – საერთაშორისო მხატვრული, დოკუმენტური და მოკლემეტრაჟიანი ფილმები.

dsc_1016

BIAFF საერთაშორისო კონკურსის სექციის ხუთკაციანმა ჟიურიმ დიტო ცინცაძე, საქართველო (ჟიურის თავჯდომარე), მაჰტაბ კერამატი (ირანი), ირინა გორდიჩუკი (უკრაინა), ლიზა ანტონოვა (რუსეთი), გულნარა აბიკიევა (ყაზახეთი) შემდეგი პრიზები გასცა:

  • · გრანპრი – „ზოოლოგია“, ივან ტვერდოვსკი, რუსეთი/ საფრანგეთი/ გერმანია, 2016; 87 წთ.
  • საუკეთესო რეჟისურა – “უღმერთო”, რალიცა პეტროვა, ბულგარეთი/დანია/საფრანგეთი, 2016; 99 წთ.
  • საუკეთესო მსახიობი მამაკაცი – ფარჰად ასლანი, ფილმში „ქალიშვილი“, რეზა მირკარიმი, ირანი, 2016; 103 წთ.
  • საუკეთესო მსახიობი ქალი – ნატალია პავლენკოვა ფილმში „ზოოლოგია“, ივან ტვერდოვსკი, რუსეთი/ საფრანგეთი/ გერმანია, 2016
  • ჟიურის სპეციალური პრიზი – „სიყვარულის შეერთებული შტატები“, ტომაშ ვასილევსკი, პოლონეთი/შვედეთი, 2016; 104 წთ. – “რაუფი”, სონერ კარენი/ბარის კაია, თურქეთი, 2016; 94 წთ.

This slideshow requires JavaScript.

 

BIAFF 2016-ის დოკუმენტური ფილმების საერთაშორისო კონკურსის სექციის ხუთკაციანმა ჟიურიმ – მარინა რაზბეშკინა (რუსეთი (ჟიურის თავჯდომარე), ელჰუმ შეიკრიფარი (დიდი ბრიტანეთი), ნარგიზ ბაგირზადე (აზერბაიჯანი), ოლეს იანჩუკ (უკრაინა), გივი ბესიკ ოდიშარია, საქართველო, გამოვლინა გამორჯვებული ფილმები:
  • საუკეთესო დოკუმენტური ფილმი – „კინომოგზაურები”, შირლი აბრაფამი/ამით მანდეშია, ინდოეთი, 2016; 96 წთ.
  • ჟიურის სპეციალური პრიზი – „ნათესავები“, ვიტალი მანსკი, გერმანია/ლატვია/ესტონეთი/უკრაინა, 2016; 112 წთ.

This slideshow requires JavaScript.

BIAFF 2016-ის მოკლემეტრაჟიანი ფილმების საკონკურსო სექციის ხუთკაციანმა ჟიურიმ – ზაზა ხალვაში, საქართველო (ჟიურის თავჯდომარე), იულია სინკევიჩი (უკრაინა), დავით მურადიანი (სომხეთი), დილარა ტასბულატოვა (რუსეთი), ზურაბ სტურუა (საქართველო)გასცა შემდეგი პრიზები:
  • საუკეთესო მოკლემეტრაჟიანი ფილმი – „ლეთა“, დეა კულუმბეგაშვილი, საქართველო, 2016; 15 წთ.
  • ჟიურის დიპლომი (სპეციალური მოხსენიება) – გადაეცა ორ ფილმს:
– „დაკარგული მიწა“, ჰავრაზ მოჰამედი, ერაყი, 2016; 10 წთ.
– “როცა ზარების ხმა გესმის”, ჩაბნეიმ ზარიაბი, საფრანგეთი/ტუნისი, 2015; 25 წთ.

This slideshow requires JavaScript.

BIAFF-ის ინდუსტრიული პლატფორმის “ალტერნატიული ტალღის” ფარგლებში, რომელშიც მონაწილეობდა 9 ქართული კინოპროექტი, პრიზი (კინოააპარატურის არენდის სერვისის ვაუჩერი) გადაეცა შემდეგ კინოპროექტს:
– “ინგა” – რეჟისორი გიორგი გოგიჩაიშვილი, სცენრის ავტორები – ზაზა კოშკაძე/მერი ბექაური/ დავით აბრამიშვილი, პროდუსერი – გეგა ხმალაძე

dsc_1031

დახურვის ცერემონიის დასკვნით ნაწილში გაიმართა დონ ჩედლის ფილმის “წინ მაილს” (აშშ, 2016) ჩვენება
კინოფესტივალის სპონსორები – საქართველოს ეროვნული კინოცენტრი, საქართველოს კულტურის და ძეგლთა დაცვის სამინისტრო, სასტუმრო „Divan Suites Batumi“, “ასკანელი ძმები”
14479535_1293743080644624_3091619622046836153_n

 

ფესტივალის დაჯილდოვების ცერემონის შემდეგ გაიმართა ბანკეტი რესტორან ”WILD WEST”-ში ,  უამრავი სტუმარი საკუთარ ემოციებს უზიარებდა ერთმანეთს სასიამოვნო მუსიკისა და გემრიელი კერძების თანხლებით….

dsc_0066

მეც , როგორც ბლოგერი და როგორც მოხალისე ამ საერთაშორისო ფესტივალის პატარა ნაწილს წარმოვადგენდი და რაღაც წვლილი მეც შევიტანე რომ ფესტივალი ღირსეულად წარმდგარიყო მაყურებლების წინაშე…

ახლა , როდესაც ფესტივალი დამთავრდა ვფიქრობ იმ შედეგზე , რაც ფესტივალში მონაწილეობის შემდეგ უნდა დამრჩენოდა… შედეგი მართლაც არის ….

პირველი ალბათ ახალი ინფორმაციის მიღებაა იმის შესახებ თუ როგორ შეიძლება დაიწყო ფილმის გადაღება შეზღუდული ბიუჯეტის პირობებში. მე არ ვარ რეჟისორი და შეიძლება მოგეჩვენოთ, რომ ეს ინფორმაცია ჩემთვის გამოუსადეგარია, მაგრამ როდესაც ბერძენი სცენარისტის – ნიკოლას პანაგიტოულოსის მასტერკლასს ვუსმენდი ბევრი იდეა გამიჩნდა და მივხვდი, რომ თუ გაქვს ნიჭი, მონდომება და გადაღებაც კარგად გამოგდის შესაძლებელია მოყვარულის დონეზე ამ პროფესიის დაუფლება და მოკლემეტრაჟიანი ფილმის გადაღების მცდელობა……14516359_1191040054294275_6139051018721502736_n

მეორე შედეგი ალბათ  საავტორო , მოკლემეტრაჟიანი ფილმების მიმართ ჩემი დამოკიდებულების ცვლილებაა, რამდენიმე ფილმა ჩემში აღფრთოვანება და სიამაყე გამოიწვია.. ვცდილობდი ჩემი ემოციების, განცდების გამოხატვას ბლოგის დახმარებით, თუმცა იყო რამდენიმე არასასიამოვნო სიტუაცია  ჩემი ბლოგის ,  ჩემი შეხედულებების , გამოხატვის თავისუფლების მიმართ … მაგრამ ეს უკვე წარსულია , მე-11 კინოფესტივალზე მარის, როგორც ბლოგერის მიერ მიღებული გამოცდილების ნაწილი….

საერთო ჯამში კინოფესტივალმა ჩემი მოლოდინი გაამართლა, ვნახე ბევრი საინტერესო ფილმი , გავიცანი ახალი ადამიანები, მივიღე გარკვეული გამოცდილება… ერთი წლის შემდეგ უკვე ახალი BIAFF-ია , რომელშიც აუცილებლად მივიღებ მონაწილეობას…..

dsc_0120

 

 

 

 

შვიდი დღე პატერსონში

paterson_producers_interview_no_film_school_3

 

ბავშვობაში გასწავლიან,  რომ არის სამი განზომილება: სიმაღლე, სიგანე, სიღრმე, როგორც ფეხსაცმლის ყუთი …მაგრამ შემდეგ იგებ, რომ არსებობს მეოთხე განზომილება-დრო… ზოგი ამტკიცებს, რომ არსებობს  …. მეხუთე…..მეექვსე…მეშვიდეე…

პატერსონი ავტობუსის მძღოლია, რომელიც ცხოვრობს ქალაქ პატერსონში, ნიუ  ჯერსიში…        ის ყოველდღიური, რუტინული ცხოვრებით ცხოვრობს: მართავს ავტობუსს, ისმენს მგზავრების სხვადასხვა ისტორიებს… წერს ლექსებს წიგნაკში….ასეირნებს საღამოს ძაღლს და ყოველდღიურად სტუმრობს ბარს ერთი ბაკალი ლუდის დასალევად…

paterson

ჯიმ ჯარმუშის ნამუშევარი მდიდარია საინტერესო ფრაზებით თუ ლექსებით, სურათი მსუბუქი იუმორითაა გაჯერებული და რეჟისორი ყოველ წუთას ცდილობს პატერსონის შინაგან სამყაროში გვამოგზაუროს.  მისი ყველა ლექსი მის ცხოვრებას ასახავს, ფრაზები  ჩნდებიან მაშინ როდესაც პატერსონი სამსახურში მიდის ან ავტობუსს ატარებს … ჩემი აზრით ეს ლექსები მისი ნაწილია ალბათ ესაა მიზეზი თუ რატომ არ უნდა მსოფლიოს გააცნოს  მისი შემოქმედება ….

paterson2-large_transvxy1sbh3zy94n8z2-u3dxuk1tyudfxq1bahytrsjuo0

ფილმში აღწერილია  წყვილის შვიდი ჩვეულებრივი დღე, პატერსონის და მისი მეუღლის ცხოვრება არაფრით განსხვავდება სხვა ჩვეულებრივი წყვილის ცხოვრებისგან.. თითეულ მათგანს გასხვავებული ინტერესები , აზრები და ბედნიერების საკუთარი აღქმა გააჩნია… პატერსონის მეუღლე ლაურა უფრო მეტად მეოცნებე ადამიანია , ის ცდილობს მიიღოს ცხოვრებისგან ახალი გამოწვევები, აითვისოს მუსიკა და გახდეს მუსიკოსი  ან უბრალოდ გემრიელი კექსების გაყიდვით მიიაღწიოს წარმატებას.. ჯიმ ჯარმუშმა მისი შინაგანი სამყაროს გადმოცემა ლაურას უცნაური გატაცებით  სცადა … ის ყველაფერს სახლის კედლებს, ავეჯის აქსესუარებს,  ფარდებს , ჭურჭელსაც კი შავ და თეთ ფერებში ან უცნაური ფორმის შავ რგოლებში ხატავს… ეს ერთფეროვნება თითქოს პატერსონის სიმშვიდესაც არღვევს, მაგრამ ცოლის მიმართ სიყვარული , ლაურას ბედნიერი განწობა და სახლის საყვარელი ( პატერსონის მიმართ უფრო ეჭვიანი და ბრაზიანი ) წევრი, ბულდოგი მათ ცხოვრებას მრავალფეროვანს ხდის…

paterson_producers_interview_no_film_school_2

ჩემი აზრით ფილმს არც დასაწყისი ჰქონდა და არც დასასრული , ეს იყო ცხოვრების რაღაც ნაწილი, რომელშიც ჩვენ პატერსონების ოჯახის წევრები გავხდით ,  მათთან ერთად დავიწყეთ დილა სასიამოვნოდ,  მათთან ერთად  ავტობუსით გავიარეთ ქალაქის რამდენიმე ქუჩა , მათთან ერთად ვიყავით კინოში , ვისწავლეთ სიმღერის აკორდები და შევქმენით პირველი სიმღერა…გვყავდა საყვარელი , ბრაზიანი ბულდოგი და რაც მთავარია მათთან ერთად ვცდილობდით დაგვენახა რეალობა სხვა თვალით , წამოგვეწყო ახალი საქმიანობა და ბედნიერება გვეგრძნო იმით რაც გვაქვს ….

paterson-5-620x412

 

 

 

 

 

 

Turn off the electricity!

kim_ki-duk__full

კიმ კი დუკის ფილმს განსაკუთრებული ინტერესით ველოდებოდი , უნდა ვაღიარო ფილმის თრეილერის ყურებამდე ვიცოდი , რომ ის დიდ  შთაბეჭდილებას და ღრმა კვალს დატოვებდა ჩემში …. ამის მიზეზი იყო ის რომ ფილმი კიმ კი დუკის მიერ იყო გადაღებული,  რეჟისორის რომლის  გადაღების სტილი , ფილმის მიმართ დამოკიდებულება , გადმოცემული ცხოვრებისეული მოვლენები ჩემში დიდ აღრფრთოვანებას იწვევს…რეჟისორს რომელსაც 30 წლამდე ფილმიც კი არ ჰქონდა ნანახი შეძლო,  კინოს როგორც პროფესიის  დაუფლების   გარეშე   15  ნამუშევრის  შექმნა. ფილმები, რომლებიც ხსნიდნენ და ჯილდოვდებოდნენ: ბერლინის, ვენეციის, კარლოვი ვარის, ლოკარნოს, კანის კინოფესტივალებზე. ჩემთვის სამწუხაროდ მისი შემოქმედებიდან მხოლოდ ორ ფილმს ვიცნობ და ბედნიერი ვარ რომ ფესტივალმა მომცა საშუალება მისი გადაღებული კიდევ ერთი  შედევრი  მენახა და შემეფასებინა…

ფილმში აღწერილი ისტორია 2011 წლის იაპონიაში გვაბრუნებს, როდესაც შეშინებული მსოფლიო ახალი ჩერნობილის მოლოდინში იყო , როდესაც  მსოფლიოში ერთ-ერთი ყველაზე დიდი ატომურ-ელექტრო სადგური შეიძლებოდა კაცობრიობის აღსასრულის მთავარი მიზეზი გამხდარიყო…

stop

ფილმის მთავარი გმირები საბუ და მიკი ამ პრობლემას პირისპირ ხვდებიან , მათ  ატომურ-ელექტრო სადგურის ახლოს სახლი აქვთ ,  კატასტროფის შემდეგ იძულებით უწევთ ტოკიოში გადმოსლა , მაგრამ ამით პრობლემა არ გვარდება , ისინი ჯანმრთველები არიან თუმცა  მიკი ფეხმძიმედაა, წყვილს ეშინია, რომ რადიაციის გამო პატარას პრობლემები ექნება…. მიკის ორსულობის ხელოვნურად შეწყვეტა უნდა, საბუ კი ცდილობს ცოლს გადაწყვეტილება შეაცვლევინოს…..ფილმის იმ ნაწილში როდესაც წყვილი ერთმანეთისგან დამოუკიდებლად ცდილობს გადაარჩინოს  შვილის მომავალი მძაფრად ვიგრძენი რეჟისორის ხედვა და სტილი, როდესაც არასდროს იცი რას გადაწყვეტენ, რას მოიმოქმედებენ ფილმის გმირები . რეჟისორის ფილმებში გმირებს ყოველთვის აქვთ სახასიათო შტრიხი, რომელიც არ გაძლევს საშუალებას თვალი მოარიდო ეკრანს , ამ ფილმში მთავარი დეტალი ალბათ  პერსონაჟების მიერ  რეალობასთან  დაპირისპირება და მასთან ბრძოლის დაწყებაა …..

გამორთეთ ელექტროენერგია

საბუს  აგრესიული ხმა ისმოდა განათებულ ტოკიოს ქუჩებში, როდესაც  მთელი ხმით ყვიროდა მათვის ვისაც არც ესმოდა და არც აინტერესებდა მისი სიტყვები გავიფიქრე სინამდვილეში ვისი მისამართით იყო ეს სცენა მიმართული ალბათ ჩვენთვის , იმ მსოფლიოსთვის, რომელსაც კარგად ახსოვს შიში , ან იმ ადამიანების მისამართით რომელთაც უნდა შეახსენო რომ ელექტრო ენერგიის ზედმეტად მოხმარება საფრთხესთან არის დაკავშირებული…

559-stop

 

🏦📈💸⏭ The Confessions ⏭ 🐦🐦

ფესტივალის მეოთხე დღეს ტრადიციულად ჩემთვის ყველაზე საინტერესო ფილმი ამოვარჩიე და დარბაზში შევედი,  მივეჩვიე დიდ ეკრანზე  ფილმების ყურებას . დღეს პირველად მივხვდი, რომ ფესტივალი მალე დამთავრდება, დავფიქრდი როგორ გამიჭირდება რამდენიმე თვით დავემშვიდობო ფესტივალს.

რობერტო ანდოს ფილმში აღწერილი მოვლენები გერმანიის სანაპირზე მდებარე მდიდრულ სასტუმროში ვითარდება.  საერთაშორისო სავალუტო ფონდის პრეზიდენტი დანიელ როშე იწვევს საგანგებო სამიტს , ძირითადი მიზანი ამ შეკრების მსოფლიო ეკონომიკაში შექმნილი პრობლემების გადაწყვეტაა.  ეკონომისტები მთელს მსოფლიოდან ჩამოდიან, მათთვის სრულიად მოულოდნელად  სტუმრებს შორის აღმოჩნდება   იტალიური ბერი,  რომელსაც  შეგვიძლია თამამად ვუწოდოთ მთავარი გმირი  .

mv5bnwizzwnlmdgtmtdjny00ndu2lthky2mtndk3zjdkmmm2mtk4xkeyxkfqcgdeqxvymjq5mde2nze-_v1_

ფილმი იტალიელი ბერის სიტყვებით იწყება ,

როდესაც ზეცის ანგელოზები ცუდად იქცევიან, ღმერთი მათ ბნელ საკანში აგდებს…

ბერის ჩამოსვლის მიზეზი მალევე ხდება ცნობილი , საკუთარი დაბადების დღის შემდეგ დანიელ როშე საკუთარ ოთახში იბარებს ბერს და სთხოვს რომ მისი აღსარება მოისმინოს.

…ვერასოდეს განვსაზღვრავთ რა შეიძლება მოჰყვეს ჩვენს საქციელს…

“დროის კარგვა ადამიანებს არაფერს ვნებს.”-ბერის სიტყვებს არ ეთანხმება ეკონომისტი დანიელ როშე, რომელმაც კარგად იცის დროის ფასი, ის ავად არის , კიბო აქვს….

ფილმში დანიელ როშეც ერთ-ერთი მთავარი პერსონაჟია , სახე ადამიანის, რომელსაც ყოველთვის ჰქონდა ყველაფერი რაც კი უნდოდა,  ადამიანის,რომელსაც შეუძლია საკუთარი ძალაუფლების და გავლენის გამოყენებით უბრალო სისულელე ნამდვილ ჭეშმარიტებად აქციოს ,  ადამიანი რომელიც სრულყოფილებისკენ ისწრაფვის….მაგრამ როშე მაინც არ იყო ბედნიერი , მიზეზი მარტივია , როგორც ფილოსოფოსი სოკრატე ამბობდა 

  სრულყოფილ ადამიანად შეიძლება ჩავთვალოთ ის, ვინც სრულყოფილებისაკენ მიისწრაფვის; ბედნიერ ადამიანად კი შეიძლბა ჩავთვალოთ ის, ვინც უკვე აღიარებს, რომ თავის მიზანს მიაღწია”

captufffffffre

 

ის უბედური იყო, ძნელია წარმოიდგინო ან გაიგო ამის მიზეზები,თუმცა ფილმში გამოყენებული ყველა ფრაზა რასაც  პერსონაჟები ამბობენ მიმართულია იმისკენ, რომ ახსნას  როგორი ცხოვრებით ცხოვრობენ ძალაუფლების მქონე ადამიანები, რომ მათი საზრუნავი ფულია და მისი დახმარებით ქმნიან დროს, რომ ყოველდღიურად ზღაპრების მოფიქრება უწევთ რათა დამალონ ის რისი გაკეთებაც სინამდვილეში არ შეუძლიათ…..

ჩვენ ყოველდღე ვატყუებთ მსოფლიოს , ზოგჯერ კარგია რომ ილუზიები მაინც შევუქმნათ მათ….

..ცხოვრება მაშინ არის ასატანი, როდესაც მას გვერდს აუვლი…

captusssssre

 

ზოგადად ფილმში ბევრი დამაფიქრებელი და საინტერესო ფრაზაა, აზრთა და შეხედულებების დაპირისპირება , სხვადასხვა სტატუსის მქონე  ადამიანების თავშეყრა ერთ სასტუმროში, მკვლელობის გამოძიება , საიდუმლო რომელსაც შეუძლია მომალის ეკონომიკაზე გავლენის მოხდება….

captusssre

 

ჩემთვის საინტერესო და დასამახსოვრებელი სცენა იტალიელ ბერსა და დანიელ როშეს ეკონომისტ მეგობარს შორის საუბარი იყო , ჩვენთვის გამოცანად დარჩა ის სიტყვები რაც მან ბერს გაუმხილა, თუმცა დაწმუნებული ვარ  ამ სიტყვების სიმძიმეში , მან ხომ შეძლო დამანგრეველი გავლენა მოეხდინა ბერზე……

…ჩვენი პროფესია უბედურების უფლებას არ იძლევა….

ეკონომისტიც შეიძლება იყოს უბედური….

capture

 

 

 

 

 

🇵🇱🇵🇱SMOLENSK🇬🇪🇬🇪

kachinski-1

20 სექტემბერს, საავტორო კინოს ბათუმის საერთაშორისო ფესტივალზე პოლონელი რეჟისორის, ანტონი კრაუზეს ფილმის ჩვენება გაიმართა.  ფილმის პრემიერა სექტემბრის დასაწყისში შედგა ვარშავაში, შესაბამისად, BIAFF-ი  პირველი კინოფესტივალია, სადაც ფილმი აჩვენეს…

„სმოლენსკის“ პრემიერა კინოთეატრ „აპოლოში“ საღამოს შვიდ საათზე გაიმართა. პრემიერისათვის ბათუმში საგანგებოდ ჩამოვიდნენ ფილმის პროდიუსერი მაციეი პავლიცკი და ლეხ კაჩინსკის როლის შემსრულებელი მსახიობი ლეხ ლოტოცკი .

ფილმის ჩვენების დაწყებამდე მოწვეულმა სტუმრებმა ისაუბრეს ფილმის შესახებ და იმ დამოკიდებულებაზე რაც საქართველოსა და პოლონეთს შორის არსებობს .

 

 

ფილმი მოგვითხრობს 2010  წელს მომხდარი Ту-154-ის ტიპის პოლონეთის სამთავრობო თვითმფრინავის ავიაკატასტროფის შესახებ, რომლის შედეგად რუსეთის ტერიტორიაზე, ქალაქ  სმოლენსკთან, დაიღუპა პოლონეთის პრეზიდენტი ლეხ კაჩინსკი, მეუღლესთან და სხვა თანმხლებ პირებთან ერთად. ამ ტრაგედიამ ბევრი კითხვა გააჩინა, რომლებზეც პასუხი დღესაც არ არის სრულად გაცემული.

ფილმის მთავარი გმირი — მსხვილი კომერციული ტელეარხის ჟურნალისტია, რომელიც იძიებს კატასტროფის მიზეზებს, აწარმოებს თავის დამოუკიდებელ კვლევას, გამოძიების მსვლელობაში ჟურნალისტი მტკიცედ რწმუნდება იმაში, რომ სიმართლე სმოლენსკის ავიაკატასტროფის შესახებ ბევრად უფრო ჩახლართულია, ვიდრე ეს ერთი შეხედვით ჩანს.

captubbnbnbrecapturtttttttttttte

ფილმში  თანმიმდევრული სიზუსტით არის განხილული ყველა ვერსია თუ მიზეზი. ერთ-ერთ ვერსიას საქართველოს უახლოეს ისტორიამდე მივყავართ, როდესაც 2008 წლის 12 აგვისტოს ლეხ კაჩინსკი უკრაინის, ესტონეთის, ლიტვის პრეზიდენტებთან და ლატვიის პრემიერ-მინისტრთან ერთად ჩამოვიდა თბილისში, რათა რუსეთის სამხედრო აგრესიის ფონზე საქართველოსათვის მხარდაჭერა გამოეხატა.

capturbhbhhhe

ფილმში გამოყენებული იყო რეალური კადრები, ის ემოციები და მდგომარეობა რაშიც პოლონეთი და მთლიანად ხალხი იმყოფებოდა ტრაგედიის შემდეგ…

ფილმში გამოძიების დეტალები სრული სიზუსტითა არის აღწერილი , ვფიქრობ ძალიან ძნელი იქნებოდა ფილმის გადაღების პროცესი , ნამდვილად დასაფასებელია ის შრომა და გამბედაობა,  რაც ფილმის შექმნისთვის რეჟისორმა და გადამღებმა ჯგუფმა გასწიეს …

კინოთეატრიდან გამოსვლის შემდეგ ერთადერთ რამეზე ვფიქრობდი, ინტერნეტში მენახა ამ ტრაგედიის გამოძიების ახალი დეტალები, ჩემთვის სამწუხაროდ ახალ ინფორმაცია ვერ ვიპოვე გამოძიება  კვლავ გრძელდება…..

პოლონელმა ექსპერტმა სმოლენსკის ტრაგედიის გამომწვევი 3 მიზეზი და შესაძლო დამნაშავე დაასახელა. რობერტ ლატკოვსკის განცხადებით, ავიაკატასტროფის მიზეზი ცუდი ამინდის პირობებში ფრენა და პილოტებისა და დისპეტჩერების შეცდომები გახდა. ”ამინდის გამო თვითმფრინავი ვერ ჯდებოდა. საჰაერო ძალების უფროსმა მცდარი გადაწყვეტილება მიიღო და ამ რეისზე სწორედ ის იყო პასუხისმგებელი. ის ბორტზე იმყოფებოდა და პრეზიდენტისა და დანარჩენი მგზავრების უსაფრთხოების გარანტი იყო. ის ამინდის გაუმჯობესებას უნდა დალოდებოდა ან სათადარიგო აეროპორტში დაესვა თვითმფრინავი”, – აცხადებს ლატკოვსკი.

პოლონეთში ლეხ კაჩინსკის თვითმფრინავის შავი ყუთების ჩანაწერის სტენოგრამა გამოქვეყნდა.

41 ნაბეჭდი გვერდისგან შემდგარი ჩანაწერი სმოლენსკის ტრაგედიის აქამდე უცნობ დეტალებს შეიცავს. საუბრების სტენოგრამა 10 საათი და 3 წუთიდან, ტრაგედიამდე 38 წუთით ადრე, ყოფით თემებზე პილოტების საუბრით იწყება. შემდგომში საუბარი სპეციფიკური ტექნიკური ტერმინების გამოყენებით მიმდინარეობს. ჩანაწერიდან ირკვევა, რომ კატასტროფამდე 15 წუთით ადრე სმოლენსკის აეროპორტის დისპეტჩერმა ეკიპაჟს აცნობა, რომ აეროპორტში ნისლია და “დაშვებისათვის პირობები არ არის”. გაფრთხილება მოსალოდნელი სირთულეების შესახებ ეკიპაჟს მეორე პოლონური თვითმფრინავის პილოტმაც მისცა, რომელმაც დაშვება მანამდე მოახერხა. ხომალდის მეთაურმა დისპეტჩერს შეატყობინა, რომ დაშვებას მაინც შეეცდებოდა და წარუმატებლობის შემთხვევაში მეორე წრეზე წავიდოდა. დისპეტჩერმა საპრეზიდენტო ხომალდს დაშვების უფლება მისცა.

ამ მომენტიდან საუბარში ერთვება პირი, რომელიც გაშიფრულ სტენოგრამაში “დაუდგენელ მოსაუბრედ” არის დაფიქსირებული. სავარაუდოდ, ეს პოლონეთის საჰაერო ძალების სარდალი გენერალი ბლაზიკია, რომლის კაბინაში ყოფნა მანამდე საგამოძიებო კომისიამ დაადასტურა. იგი მეტეოპირობებით ინტერესდება და ამბობს, რომ “დიდი პრობლემებია”. სავარაუდოდ, კაბინაში კიდევ ერთი პირი შემოდის. პოლონური მედიის ადრინდელი ვერსიით, ეს საგარეო უწყების პროტოკოლის უფროსი მარიუშ კაზანაა. ხომალდის მეთაური მას “ბატონ დირექტორად” მოიხსენიებს და აცნობებს, რომ ამ პირობებში დაშვება, როგორც ჩანს, ვერ განხორციელდება. კაპიტანმა განაცხადა, რომ სმოლენსკში დაშვებას ერთხელ ცდიდა და წარუმატებლობის შემთხვევაში თვითმფრინავს სათადარიგო აეროპორტისკენ წაიყვანდა.

10 საათსა და 30 წუთზე “დაუდგენელი მოსაუბრე” (სავარაუდოდ, კაზანა) მეთაურს აცნობებს. რომ “პრეზიდენტს გადაწყვეტილება ჯერ არ მიუღია”. ამ დროისთვის ხომალდი რუსი დისპეტჩერის ბრძანებებს ემორჩილება და დაშვებას აგრძელებს.

10:35 – დისპეტჩერი ინტერესდება, აქვს თუ არა პილოტს სამხედრო აეროდრომზე დაჯდომის გამოცდილება. პასუხი დადებითია. დისპეტჩერი ეკიპაჟს აცნობებს, რომ დასაფრენ ბილიკთან პროჟექტორები აინთო და ბრძანებების გაცემას განაგრძობს.

10:39 – დისპეტჩერი ეკიპაჟს ატყობინებს, რომ თვითმფრინავი გლისანდაში (დასაშვები ტრაექტორია) შევიდა. ამ დროიდან ხომალდი სწრაფ დაშვებას იწყებს.

10:40 – დისპეტჩერი პილოტებს ფარების ჩართვას სთხოვს. TAWS-ის ტიპის ხელსაწყო ამოქმედდა, რომელიც მიწასთან მოახლოებას ხმოვანი სიგნალით აღნიშნავს. სიგნალი მუდმივად მეორდება. პილოტების საუბრის მიხედვით, ერთ წუთზე ნაკლები დროის განმავლობაში თვითმფრინავი 300 მეტრიდან 80 მეტრის სიმაღლეზე დაეშვა. მეორე პილოტი ამბობს “წავედით” (როგორც ჩანს, აქ სიმაღლის აკრეფა და მეორე წრეზე წასვლა იგულისხმება). ისმის დისპეტჩერის ბრძანება – “საკონტროლო ჰორიზონტი”. თვითმფრინავი სიმაღლეს კარგავს. შტურმანის მონაცემებით, სიმაღლე უკვე 20 მერტს შეადგენს.

10:41 – ტყის მასივთან შეჯახების ხმა. ისმის დისპეტჩერის ბრძანება: “წადით მეორე წრეზე”. უკანასკნელი, რაც ჩანაწერმა დააფიქსირა, ყვირილი და უცენზურო სიტყვაა.

ეკიპაჟს სმოლენსკში დაშვებასთან დაკავშირებული საფრთხე გაცნობიერებული ჰქონდა, თუმცა დაშვების გადაწყვეტილება მაინც მიიღო.

პილოტების დიალოგში ბორტზე მყოფი მაღალი თანამდებობის პირების მონაწილეობას და მათ მიერ პრეზიდენტის ხსენების დროს ექსპერტთა მხრიდან არაერთგვაროვანი შეფასებები მოჰყვა,

ექპერტთა ნაწილი მიიჩნევს, რომ პილოტებზე აშკარა ზეწოლა ან მათთვის ბრძანებების მიცემა არ დასტურდება. პოლონური “გაზეტა ვიბორჩას” მიმომხილველი აღნიშნავს, რომ “სტენოგრამა ეკიპაჟზე რაიმე ზეწოლის ფაქტს არ ადასტურებს. ასეთი დასკვნის გამოტანის საფუძველს არც კაბინაში გენერალ ბლაზიკის ყოფნა და არც მარიუშ კაზანას ორი ფრაზა იძლევა”.

მეორე ნაწილი კი ამტკიცებს, რომ თავისთავად პილოტების კაბინაში უცხო პირთა ყოფნა ფრენის წესების უხეში დარღვევა და ზეწოლის ფაქტია. “ეკიპაჟის მუშაობა დაშვების დროს მაქსიმალურ კონცენტრაციას მოითხოვს. უცხო პირთა ჩარევა ამ შემთხვევაში სამწუხარო შედეგებს იწვევს. დარწმუნებული ვარ, ეკიპაჟის მუშაობაზე სწორედ ამან მოახდინა ზეგავლენა,” – აცხადებს გაზეთ “რეჩპოსპოლიტასთან” საუბრისას ერთ-ერთი ყოფილი სამხედრო მაღალჩინოსანი.

◀▶BIAFF გახსნის ცერემონია 🎥


სამწუხაროდ წელს პირველად ვესწრები კინოფესტივალს , სინანულის გრძნობა მიპყრობს ”რატომ არ ვიცოდი ფესტივალის შესახებ წინა წლებში ??..” თავს ვადანაშაულებ რამდენი რამ დამიკარგავს და გამომრჩენია, ალბათ საკუთარ თავთან დანაშაულის გამოსწორების მიზნით გადავწყვიტე ფესტივალის ერთ-ერთ მთავარი აქტივობაში ჩართვა, რაც გულისხმობდა საზოგადოებაში ინფორმაციის გავრცელებას. მეც მთელი ენერგიით ვცდილობდი ყველა დაინტერესებული პირისთვის ზუსტად ამეხსნა ფესტივალის შესახებ და მათში ინტერესის ნაპერწკალი გამეღვიძებინა. ჩემმა მონდომებამ შედეგი გამოიღო, ფესტივალის გახსნის ცერემონიაზე რამდენიმე ნაცნობ სახეს მოვკარი თვალი, მათი დანახვა საკუთარ თავთან დანაშაულის გამოსყიდვის ტოლფასი იყო, ისინიც ჩემნაირად პირველად ესწრებოდნენ ფესტივალის გახსნას და ვიმედოვნებ, რომ მათზეც ისევე ძლიერად იმოქმედა მიღებულმა შთაბეჭდილებებმა , როგორც ჩემზე.

ფესტივალის გახსნის ცერემონია საზაფხულო თეატრში გაიმართა, შვიდი საათისთვის თეატრის ეზო მთლიანად სავსე იყო,  პოლიტიკოსები, მსახიობები, რეჟისორები,  სხვადასხვა ტიპის თუ სტატუსის მქონე ადამიანები, რომელთა გაერთიანების მთავარი მიზეზს  ფესტივალი და 11 რეჟისორის მიერ გადაღებული მოკლემეტრაჟიანი ფილმების  ნახვა წარმოადგენდა.

dsc_0674

dsc_0652

ბანალურია თუმცა პირველი ემოცია ჩემში წითელი ხალიჩის დანახვამ გამოიწვია. მოლოდინი იმისა რომ თეატრის დარბაზისკენ  მიმავალ ხალხს  ჩემი ფოტოაპარატის ობიექტივში მოვახვედრებდი არ გამართლდა, თუმცა მაინც შევძელი  თეატრის ფოიეში შეკრებილი   ადამიანების გადაღება, ფოტოზე ასახული მათი ემოცია სამახსოვრო კადრი გახდა ჩემი როგორც დამწყები ფოტოგრაფის მეხსირებაში.

dsc_0690

dsc_0792

თეატრის დარბაზი ნელნელა ხალხით ივსებოდა, რამდენიმე წუთიანი ლოდინის შემდეგ დამსწრე საზოგადოებას ფესტივალის მენეჯერი მიესალმა , მიულოცა ფესტივალის ოფიციალური გახსნა, ასევე სიტყვით გამოვიდნენ   აჭარის მთავრობის თავმჯდომარე ზურაბ პატარიძე და ქალაქ ბათუმის მერი გიორგი ერმაკოვი. ფესტივალზე რამდენიმე რეჟისორს პრიზად ფესტივალის სიმბოლო ”ზღვის ცხენი ” გადაეცა.

14433104_1287404874611778_3213181926434640650_n.png

 

ყველაზე დასამახსოვრებელი მომენტი კინემატოგრაფ ბერდია ინწკირველის სახელის გამოცხადება გახდა, დამსწრე საზოგადოება ოვაციებით შეხვდა მას.  ბატონი ბერდია ჩემს უკან იჯდა , ვხედავდი როგორ იგრძნო მისი მისამართით გამოხატული ემოცია, მორიდებით და დიდი სიამაყით ავიდა სცენაზე , სწრაფად თქვა მადლობა და ზედმეტი სიტყვების გარეშე საკუთარ ადგილს დაუბრუნა.

dsc_0746

ბოლოს სცენა დღის მთავარ გმირებს დაეთმო, რეჟისორებს, რომლებიც ცდილობენ ახალი ინიციატივით ბათუმში კინომატოგრაფიის განვითარებას .

ჩემი აზრით ეს უდიდესი მნიშვნელობის საქმეა, მითუმეტეს რომ ამ საქმეში ბათუმის ხელოვნების უნივერსიტეტის კურსდამთავრებულებიც არიან ჩართულნი.

dsc_0755

მე ვნახე მათთვის მიძღვნილი ტაში მაშინ როდესაც რეჟისორის მითითებით დარბაზში მყოფი ყველა მსახიობი ფეხზე ადგა , ამ მომენტში არცერთ მათგანს ვიცნობდი მაგრამ თითოეული მათგანით ვამაყობდი და ეს გრძნობა გაძლიერდა, როდესაც მოკლემეტრაჟიანი ფილმების კოლექციის ჩვენება დაიწყო, თითოეული ფილმი ერთმანეთისგან განსხვავდებოდა მაგრამ ერთი იდეის ქვეშ მაინც ერთ სრულ სურათს ქმნიდა.

dsc_0729

სამწუხაროდ ფილმების ჩვენებას ბოლომდე ვერ დავესწარი, მაგრამ მაინც კმაყოფილი ვარ ამ დღით . ვფიქრობ ფესტივალს ღირსეული გახსნა ჰქონდა.

ხვალიდან იწყება ყოველდღიური ჩვენებები, ფილმების ჩამონათვალი ვიცი და ინტერნეტით ვამჯობინე ფილმების დაჯავშნა, ვფიქრობ უფრო კომფორტული და მოსახერხებელია, რამდენიმე ფილმის ნახვას განსაკუთრებით ველოდები,  ვნახოთ თუ გამიმართლებს იმედებს.

მსხვერპლი თუ დამნაშავე…… ? 

 

ფესტივალის კინოსეანსების განრიგს რომ გადავხედე თვალში თავიდანვე მომხვდა რალიცა პეტროვას “უღმერთო” რატომღაც მინდოდა, რომ სწორედ ამ ფილმის ნახვით დამეწყო ფესტივალი. ფილმი 19 სექტემბერს საღამოს ცხრის ნახევარზე იყო ჩანიშნული, ამ მიზეზით სხვა ფილმებისთვის ყურადღება აღარ მიმიქცევია. ბილეთი დავჯავშნე და დაველოდე საღამოს დადგომას.

ჩემთვის პირველი შემთხვევა იყო როდესაც ფესტივალის ფარგლებში კინოთეატრში ვუყურებდი ფილმს , ამიტომაც შეიძლება ცოტა გადაჭარბებული ემოციები მქონდეს ამ ფილმის განხილვის დროს..

მთავარი რაც ფილმმა დამიტოვა ალბათ ის განწყობაა, რაზეც გადამღებმა ჯგუფმა ბევრი იმუშავა… განწყობა ერთფეროვანი მოსაწყენი ცხოვრების , როდესაც გარშემო სიცივეა და ეს სიცივე იმდენად არის გამჯდარი მთავარი პერსონაჟის ხასიათსა და ქცევებში, რომ ძნელად თუ ვუწოდებთ მას ქალს….

მთავარი პერსონაჟი სახელად განა ერთ-ერთი მოხუცთა თავშესაფრის ექთანია, დამატებითი ფულის საშოვნელად პაციენტების პირადობის მოწმობებს იპარავს და შავ ბაზარზე ყიდის. იოლი ფულის შოვნითა და მორფინით გატაცებულს, ემოციური სიცარიელე და სასჯელის შიში მუდმივად სტანჯავს. თითქოს ძნელია ამოიცნო ემოცია მის სახეზე , მაგრამ რაც უფრო მეტად ვაკვირდები პერსონაჟს, მით მეტად ვრწმუნდები, რომ მისი სახე ანარეკლია ყველა იმ უბედურების და ტკივილის რაც განამ ცხოვრების სხვადასხვა ეტაპზე გადაიტანა.

godless-2016-ralitza-petrova-001

ფილმის დასაწყისში მომეჩვენა, რომ განა უბრალოდ რიგითი დამნაშავე იყო. მოსაწყენი ერთფეროვანი ცხოვრებით. ქალი, რომლის მთავარი მიზანი დამატებითი ფულის  შოვნაა,  ვერ ვხედავდი მის ინტერესებს, სურვილებს…მაგრამ ფილმი გრძელდება და რეჟისორი ცდილობს პერსონაჟის განვითარებას..

პირველად ეს ხდება მაშინ როდესაც განა ერთ-ერთი მისი პაციენტი მოხუცის საქმიანობით ინტერესდება. მოხუცი საეკლესიო გუნდის ხელმძღვანელი იყო.

    -ასე როგორ მღერი?

    – რწმენით 

    – მორწმუნე ხარ?

    -კი , მწამს საკუთარი თავის,  ღმერთის არა…….

capt%e1%83%91%e1%83%91%e1%83%9c%e1%83%91%e1%83%9c%e1%83%9b%e1%83%91ure

ჩემი აზრით განასა და მოხუცს შორის ურთიერთობა არის მთავარი და ერთადერთი ნათელი მხარე ამ თითქოსდა მოსაწყენ და ”ბნელ” ფილმში. მოხუცის დახმარებით იწყებს განა საეკლესიო გუნდში სიმღერას, მოხუცის მკვლელობის შემდეგ პირველად ვხედავთ განაში სასოწარკვეთილ ადამიანს , რომელსაც აღარ ერიდება ტირილს , მასში სინდისის ქენჯნა იღვიძებს და  ცდილობს სრულიად დაამსხვრიოს მის გარშემო არსებული აუტანელი სიცოცხლე….

 

 


.

გამოფენა “50/50”

ძმები ნობელების ბათუმის ტექნოლოგიურ მუზეუმში, აჭარის სახელმწიფო მუზეუმისა და ქუთაისის ისტორიული მუზეუმის ერთობლივი გამოფენა სახელწოდებით ”50/50 ” გაიმართა.

გამოფენაზე აჭარის სახელმწიფო მუზეუმის ფონდებში დაცული უნიკალური საბრძოლო იარაღების ნიმუშები და კერძო კოლექციონერებთან დაცული ფოტომასალა იყო წარმოდგენილი.

DSC_0105

DSC_0127DSC_0129

DSC_0161